Слайд 3ТАБЫНДАР ГИМНЫ
И.Кинйәбулатов һүҙҙәре
А.Ғәйфуллин,Ф.Яҡшығолов музыкаһы
1. Табындарҙың иркен иле
Ҡитғаларға һуҙылған.
Тарих биттәрендә ҡалған,
Данлы
юлдар уҙылған.
Ҡушымта:
Халыҡ хаҡлы,һоҡланырлыҡ
Уҙған оло юлдары.
Табынырлыҡ эш күһәтер
Һәр саҡ Табын улдары,
Һәр
саҡ Табын улдары.
2. Олатайҙар аманаты
Йөрәгендә һаҡланған.
Быуындарҙың өмөттәре
Тулыһынса аҡланған.
3. Ете ырыу ете яҡтан
Уға ҡарап тупланған.
Табындарҙың берҙәмлеге
Заман менән хупланған.
4. Ҙур ырыуҙың тамырҙары
Бик тәрәгә таралған.
Ерҙе биҙәп йәшәр өсөн
Ул мәңгегә яралған
Слайд 4
Р.Ҡорбанғәлиева
Майҡы
бейҙәр тамырына төшөп,
Нәҫел ептәремде барлайым.
Тархан Аҡынсыҡтың дауамы мин,
Шуға юғарыла башҡайым.
Тәүге
тапҡыр һиндә ауаз һалып,
Тәпәй баҫҡан ерем- Табыным.
Яҙмышымды төбәгемә бәйләп,
Изгелектәремә табынам.
Шәжәрәһен яҡлай бөгөн халҡым,
Ғорурлыбыҙ данлы үткәнгә.
Киләсәгем яҡты һәм өмөтлө,
Иман нуры балҡый һүткәндә.
Слайд 5БОРАҢҒОЛОМ
Әкиәттәй Асылы күлен күреп
Туҡтағандыр үткән карауан.
Килгәнме ул Урал аръяғынан,
Әллә күсенгәнме
Ябҡарағайҙан.
”Троиц өйәҙе,Ҡара Табын волосе”,-тип
Теркәгәндәр ап-аҡ ҡағыҙға.
Тарих яҙмалары башланғансы
Күпме йылдар үткән,ғасырҙар.
Тауҙар
араһынан,уйһыулыҡтан
Бораңғолом күренә алыҫтан.
Урамдары борма-бормалы,
Ер-һыу атамаһы халыҡсан.
Хәлең етмәҙ,әгәр менәм тиһәң
Ғорур Ташлығолом башына.
Итәгендә Әлбәк шишмәһе,
Тауым ҡуйынына һыйына.
Ғүмер буйы үҙ-ара ярышта
“Үр- яҡ” урам менән “Түбән”дәр .
Аслыкүлгә ҡарай боролғанын,
“Кәк(е)ре урам” тиҙәр белгәндәр .
Элгәре “Слабодка”-тиҙәр ине,
Хәҙерге“Көнсығыш урам”ын .
Кеше исемдәре парлы ине,
Ауыл ҡушаматһыҙ буламы?
Бәләкәй Тимербай урлап кишер йолҡҡан
“Уп-па,быныһы инәйгә”-тиеп.
Шуҡ малайға шунан ҡартайғансы
“Упа” ҡушаматы эйәрҙе.
Карпа,ябалаҡ,төзәй,мантый,
Баламуты булды ауылдың.
Гөлзифаһын,Баныу,Зөһөрәһен,
Һылыу,Нәсихаһын һағындым.
Халҡы ике йөҙҙән ашыу,
Өс-дүрт кенә урамлы ауыл.
Ҡунаҡсыл да,йырлы-моңло ла ул,
Ситләп үтмә ,беҙгә һин ҡағыл!
Ауылым төҙөк,ҡыйыҡ баштары
Төрлө-төрлө төҫлө ҡалайҙан.
“Ир-егеттәр йүнсел булғанға”,-тип
Маҡтаналар беҙҙә бабайҙар.