Кузьымгуртэ - вортскем гуртэ

гурезьес)

верамъя гинэ тодэ. Милям гурт котыртимы туж лек ожмаськон ортчем.

Жугиськиллям тодьыос но гордъес. Тодьыос чигналлям. Гурт калык малпам, гордъес тодьыосыз кыдеке уллязы шуыса. Нош чуказеяз гурт калык соку гинэ сайка вылэм ай. Гурт туж шыпыт. Со вадес кык пол ыбем куара кылиськем. Со борсьы ик туж бадзым кесяськыса, гуртэ горд солдат вуэм. Малы со огназ вылэм, кытчы солэн эшъесыз кылиллям, оло ваньзы быриллям? Ойтод созэ тодись нокин овол. Солдат туж чебер но егит вылэм, вуэм тодьы вал вылын. Гурт пырти со туж чаляк ворттыса ортчем но тазьы верам : «Тодьыос лыкто, пегзелэ, мадэс быгатиськоды – ватэлэ! Сьораз ик тодьыос чик гуртэ дугдылытэк уиськыса кошкиллям. Солдат гурт сьорысь нюлэскы ышем. Ожыт улыса омырез сезъялтэм ыбем куара. Гуртын огыр-бугыр луэм. Ваньмыз шыпыт луэм бере, воргоронъес нюлэскы кошкиллям но солдатлэсь шойзэшедьтиллям. Ватыны дисьтиллямтэ, угось гуртын вылиллям тодьыос пала дурбасьтисьес но. Валзэ шедьтиллямтэ ни: тодьыос ик нуизы луоз.
Быдэс нунал солдат пось шунды улын кыллем. Соку чапак тулыс вылэм. Папаелэн песяезлэн атаез отчы ветлэм. Туж, пе, егит на со солдат вылэм. Котыраз нош тылобурдоос макем шулдыр кырзало, сюлэмез уката вось каро. Озьы ик кылем пинал солдат музъем вылэ уйзэ колыны. Нош чукна адямиос отчы мыниллям но паймиллям: солдатлэн кулэм интыяз выль шайгу кылдэм, нош пыд азяз кызьпу мерттэмын. Кин ватиз солдатэз, нокин оз тоды. Тодисез кыре оз потты. Тини озьы солдатлэсь нимзэ но,кытысьсэ но нокин оз тоды. Со дырысен та интыез калык озьы ик нимаз – «Солдат кулэм гоп». Гуртамы та интыез тодисьтэмез овол. Мыным но папае возьматиз та интыез пастухакумы. Туж шулдыр инты со. Нош мерттэм кызьпу бадзым будэм, пересьмем но.

вордыса, сад мерттыса, муш вордыса улэм. Трос семьяослэн асьсэлэн пичиесь

муш бакчаоссы вылэм. Мушъессэс кыр интые нюлэскы нулдиллям. Интияськиллям одно ик ошмес дуре, сяськае возь вылэ. Чечызэс но отын ик кыскыто вылэм. Нырысьсэ чечы кыскемзы бере, мушсэс данъяса, чечызы трос мед луоз шуыса,гурт калыкез кунояло пе вылэм.
Нимъессы нош со мушкыръеслэн туэ нуналозь вуэмын: Экна мушкыр, Камит мушкыр, Семок мушкыр. Соос табере кудиз возь луэмын, кудиз нюлэс пушкы кылемын.

Солэн одиг палаз будо жужытэсь , зокесь батыр пужымъес. Рад

гинэ сыло соос, юри ошмесез возьмвны султытэмын кадь. Нош мукет палаз лабрес лулпуос.
Та ошмеслэн вуэз туж кезьыт. Пинез ик кынтэ. Дышымтэ мурт черланы но быгатоз та ошмесэз юиз ке. Пересьес шуо: «Чербай вуэн черлад ке, берен солэн вуэныз сяна йонаны уг луы ни.» Соин ик пе та ошмеслы Чербай ним сетиллям. Нимыз но ошмес кадь ик жингырес, чылкыт кылиське – ЧЕРБАЙ.