Үҙегеҙгә оҡшаған һүрәттә туҡтағыҙ. Балаға ошо һүрәткә тап килгән өлөштө
һөйләргә ҡушығыҙ. Геройҙарҙың шул өлөштә нимә һөйләгәнен, нимә эшләгәнен иҫенә төшөрөп һөйләһен. Был уйын өсөн шулай уҡ таныш йәнһүрәттәрҙе лә ҡулланырға була. Тауышын һүндерегеҙ ҙә әкиәтте баланан һөйләтегеҙ.
Хатта бала үҙ аллы уҡырға өйрәнгәс тә балаға ваҡыты – ваҡыты менән ҡысҡырып әкиәттәр уҡығыҙ. Сөнки ҡай саҡ баланың ҡыҙыҡһыныуы уҡыу тиҙлегенә ҡарағанда көслөрәк һәм өҫтөнөрәк. Ә һеҙҙең кире яуабығыҙ, уҡыуҙан баш тартыуығыҙ, баланың китапҡа ҡыҙыҡһыныуын һүндереүе ихтимал. Әгәр ҙә балала әкиәт тыңлауға, артабан әкиәтте уҡыуға ҡыҙыҡһыныу булмаһа? Борсолмағыҙ, балаға үҙенә әкиәт төҙөргә, уны уйнап ҡарарға тәҡдим итергә мөмкин.
Өйҙә уның үҙ ҡулдары менән әҙерләгән бәләкәй театры аша уның әкиәттәргә ҡыҙыҡһыныуы артасаҡ. Был әкиәт геройҙарын әҙерләү ҙә баланы ижади эшмәкәрлеккә этәрәсәк, ул унан кинәнес аласаҡ. Һәм һеҙ мотлаҡ балағыҙҙы икенсе яҡтан асасаҡһығыҙ, икенсе күлектән ҡараясаҡһығыҙ.